MMiN

MYANMAR MANAGEMENT & INSPIRATIONAL NETWORK

HR လားဟေ့ဝင်ခဲ့လေကွယ် ( ၃၆ )

images
( ၂ ) ဝန်ထမ်းတဦးချင်း၏စွမ်းဆောင်ရည်ကိုအခြေခံသော ချီးမြှင့်မှုများ ( Pay For Individual
Performance )

ကုမ္ပဏီအဖွဲ့အစည်းတော်တော်များများဟာ ဝန်ထမ်းတွေကိုသူတို့တဦးချင်းရဲ့စွမ်းဆောင်ရည်ကို အခြေခံတဲ့
ချီးမြှင့်မှုတွေကို ပုံစံအမျိုးမျိုးကျင့်သုံးကြပါတယ်။ဥပမာအားဖြင့် ပြောရမယ်ဆိုရင်
( က )  Piecework’s Rates
( ခ )   Standard Hour Plans
( ဂ )   Merit Pay
( ဃ )  Individual Bonus
( င )   Sales Commission
( က )  Piecework’s Rates ။ 
Piecework’s Rates ကိုတော့ အထူးသဖြင့် ထုတ်လုပ်ရေးကဏ္ဍ က ဝန်ထမ်းတွေနဲ့ပတ်သက်ပြီးအသုံးများပါတယ်။ ဝန်ထမ်းတစ်ဦးချင်းရဲ့ ထုတ်လုပ်နိုင်စွမ်းအားကိုအခြေခံ ပြီး ခံစားခွင့်ပေးတာမျိုးပါ။ အဲဒီလိုပေးတဲ့အခါ ကုန်ပစ္စည်းတယူနစ်ချင်းအပေါ်မှာပေးတဲ့နှုန်းထားဟာ ဝန်ထမ်းတွေရဲ့ ပျမ်းမျှထုတ်လုပ်နိုင်စွမ်းအားထက်ပိုပြီး ထုတ်လုပ်ချင်စိတ်ရှိအောင်စီမံထားတတ်ပါတယ်။ ဥ ပမာအားဖြင့် – ဝန်ထမ်းတဦးဟာ တစ်နာရီအလုပ်ချိန်အတွင်းမှာ ပစ္စည်း ( ၁ဝ ) ခုပြီးစီးအောင်ထုတ်လုပ် နိုင်တယ်ဆိုပါစို့။ သူရဲ့လုပ်ခကိုအကြမ်းဖျင်းတစ်နာရီ ငွေ ( ၈ဝဝ ) တန်တယ်လို့သတ်မှတ်ပြီးတဲ့အခါမှာ ကုန်ပစ္စည်းတခုထုတ်လုပ်ပြီးတိုင်းမှာ ငွေ ( ၈ဝ ) ရမှာဖြစ်ပါတယ်။ ပုံမှန်အလုပ်ချိန်အတွင်းမှာ ပုံမှန်အ တိုင်းပဲထုတ်လုပ်ခဲ့မယ်ဆိုရင် တနာရီကို ငွေ၈ဝဝကျပ်ရရှိမှာဖြစ်ပြီး ( ၁ဝ ) ခုကနေ ( ၁၂ ) ခုအထိ တိုးပြီးထုတ်လုပ်နိုင်ခဲ့မယ်ဆိုရင် တနာရီကို ငွေ ( ၉၆ဝ ) ကျပ်အထိရရှိမှာဖြစ်ပါတယ်။ အဲဒီလိုပေးတဲ့အခါ ဘယ်လောက်ပဲပိုပြီး ထုတ်လုပ်ထုတ်လုပ် တခုကို ( ၈ဝ ) ကျပ်ပဲရရှိတာဖြစ်တဲ့အတွက် အဲဒီနည်းလမ်းကို Straight Piecework Plan လို့ ပြောလို့ရပါတယ်။နောက်ထပ် Piecework’s Rates တမျိုးကတော့ Differential Piece Rates ဖြစ်ပါတယ်။ ဒီနည်းမှာဆိုရင် ပစ္စည်းတခုထုတ်လုပ်တဲ့အခါ ရရှိမယ့်လုပ်ခနှုန်းထားဟာထုတ်လုပ်မှုပမာဏအနည်း အ များပေါ်ကိုမူတည်ပြီး အပြောင်းအလဲရှိပါတယ်။ သတ်မှတ်အရေအတွက်တခုကို ကျော်လွန်ပြီးထုတ် လုပ် နိုင်တဲ့အခါ လုပ်ခနှုန်းထားဟာ သာမန်လုပ်ခထက်ပါပိုပြီးပေးတာမျိုးပါ။ ပုံမှန်ထက်လျော့ထုတ်မယ်ဆိုရင် တော့ တခုချင်းစီရဲ့လုပ်ခနှုန်းထားကလဲကျသွားမှာပါ။ ဥပမာအားဖြင့် ခုနကပြောခဲ့တဲ့ကိစ္စမျိုးမှာ ဝန်ထမ်းဟာ တစ်နာ ရီကို ( ၁ဝ ) ခုထက်ပိုပြီးထုတ်လုပ်ပြီဆိုတာနဲ့ လုပ်ခက ( ၈ဝ )  ကနေ ( ၉ဝ ) ကို တက်သွားပြီး ( ၁ဝ ) ခုထက်လျော့သွားတဲ့အခါ တခုကိုထုတ်လုပ်ခ ( ၇ဝ ) ပဲပေးတော့တာမျိုးဖြစ်ပါ တယ်။ Differential Piece Rate အကျိုးကျေးဇူးကတော့ ဝန်ထမ်းတွေအတွက်က ပိုပြီးထုတ်လုပ် လာနိုင်တာနဲ့အမျှ သူတို့ရဲ့ ဝင်ငွေလဲအချိုးကျလိုက်တိုးလာတာပါ။ တခုတော့ရှိပါတယ်။ စံသတ်မှတ်ထား တဲ့ ထုတ်လုပ်မှုနှုန်းထားကသာ သင့်တင့်တယ်ဆိုရင် ဒီနည်းလမ်းဟာဝန်ထမ်းတွေအတွက် မျှတတယ် လို့ ခံစားရစေမှာဖြစ်ပါတယ်။ အားနည်းချက်ကတော့ Piece Rate ကို အကောင်အထည်ပြစရာရလာဒ်မရှိ တဲ့ စီမံခန့်ခွဲတဲ့နေရာမှာရှိတဲ့ဝန်ထမ်းတွေ၊ ရုံးဝန်ထမ်းတွေအတွက် သုံးလို့မရနိုင်တာပါ။ နောက်တခုက ရှေ့မှာပြောခဲ့သလိုပါပဲ၊  ပစ္စည်းအရေအတွက်များများပြီးဖို့ကြိုးပမ်းအားထုတ်တဲ့အခါ ကုန်ပစ္စည်းရဲ့ အ ရည်အသွေးကောင်းမွန်ဖို့တို့၊ ဝယ်ယူသူရဲ့ စိတ်ကျေနပ်မှုရရှိစေဖို့ဆိုတဲ့အချက်တွေကို ထည့်မတွက်တဲ့ ပြဿနာမျိုးလည်းဖြစ်တတ်ပါတယ်။ ကုမ္ပဏီအဖွဲ့အစည်းအတွင်းမှာ Teamwork တည်ဆောက်ချင်တယ် ဆိုရင်တော့ ဒီနည်းကသိပ်ပြီးအဆင်မပြေပါဘူး။ နောက်ပြီး ဝန်ထမ်းတွေဟာ ပစ္စည်းအရေအတွက်များ များ ပြီးစီးဖို့ကိုပဲ အာရုံစိုက်ကြတဲ့အတွက် လုပ်ငန်းပိုပြီး ကျွမ်းကျင်လာအောင်သင်ယူချင်စိတ်တွေ၊ ပူး ပေါင်းဆောင်ရွက်လိုစိတ်တွေ နည်းပါးသွားတတ်ပါတယ်။
( ခ )   Standard Hour Plans။       
နောက်တနည်းကတော့ Standard Hour Plans ဖြစ်ပါ တယ်။ ဒီနည်းမှာဆိုရင် လုပ်ငန်းတခုကိုလုပ်ဆောင်ဖို့အတွက် အချိန်ကာလတခုသတ်မှတ်ပေးထားပြိး သတ်မှတ်အချိန်ကာလထက် စောပြီးပြီးစီးခဲ့မယ်ဆိုရင် ဆုကြေးချီးမြှင့်တာမျိုးပါ။ ဥပမာ စက်ပြင်ဆရာ တစ်ယောက်ကို ကားတစီးပြင်ဖို့အချိန်တနာရီသတ်မှတ်ပေးထားပြီး ၄၅မိနစ်နဲ့ပြီးသွားခဲ့ရင် ပိုစောပြီးတဲ့ အချိန်ကို တွက်ချက်ပြီး ဆုငွေထုတ်ပေးတာမျိုးဖြစ်ပါတယ်။အကောင်းအဆိုး ချိန်ကြည့်မယ်ဆိုရင် Standard Hour Plan ဟာ Piecework Rates လို ပါ ပဲ။ ဝန်ထမ်းတွေကို အလုပ်မြန်မြန်ပြီးအောင်ဆောင်ရွက်ဖို့ တွန်းအားပေးတဲ့အနေအထားဖြစ်လို့ အ ရည်အသွေး ကောင်းမွန်ဖို့နဲ့ ဖောက်သည်စိတ်ကျေနပ်မှုရဖို့ အာရုံမစိုက်နိုင်တာမျိုးတွေဖြစ်နိုင်ပါတယ်။
( ဂ )   Merit Pay။    
ကုမ္ပဏီအဖွဲ့အစည်းအားလုံးလိုလို ကျင့်သုံးလေ့ရှိကြတဲ့နည်းတနည်းက တော့ Merit Pay ဆိုတဲ့ Performance Appraisal ကရတဲ့ရလာဒ်ကိုအခြေခံပြီး ရလာဒ်ကောင်းရင် ကောင်းသလို ချီးမြှင့်တာမျိုးပါ။ Merit Pay ရဲ့အားသာချက်တခုကတော့ ဝန်ထမ်းတွေရဲ့စွမ်းဆောင်ရည် ကို ထိန်းချုပ်ပြီးသား ဖြစ်သွားစေတာပါ။ စွမ်းဆောင်ရည်လို့ဆိုရာမှာ သူနဲ့သက်ဆိုင်တဲ့အလုပ်တခုလုံး အပြင် Teamwork, Communication Skill စတာတွေကိုပါ အခြေခံပြီးဆုံးဖြတ်တာဖြစ်ပါတယ်။ တကယ် လို့သာ Performance Appraisal System ဟာသေချာစနစ်တကျစီမံထားတဲ့စနစ် တခုသာဖြစ်ခဲ့မယ် ဆိုရင် မိမိရဲ့ကုမ္ပဏီအဖွဲ့ အစည်းလိုအပ်တဲ့ရလာဒ်တွေရရှိလာအောင် ဒီစနစ်ကဆောင်ကြဉ်းပေးနိုင်ပါ တယ်။ တကယ်တမ်းကျတော့ ထင်သလောက်အလုပ်မဖြစ်တာကို တွေ့ရပါတယ်။
Merit Pay စနစ်ရဲ့အားနည်းချက်ကတော့ Performance Rating ဟာ ဝန်ထမ်း တဦးချင်းရဲ့ စွမ်းဆောင်နိုင်မှုနဲ့ Motivation ပေါ်မှာမူတည်တယ်ဆိုပေမယ့် Performance Appraisal  လုပ်တဲ့အခါ ဝန်ထမ်းတွေရဲ့ တကယ့်အရည်အချင်းတခုတည်းပေါ်မူတည်နေတာမဟုတ်ပဲ အကဲဖြတ်သုံး သပ်တဲ့လူရဲ့ ဘက်လိုက်မှုရှိ / မရှိ ၊ လုပ်ငန်းတခုပြီးမြောက်ဖို့လိုအပ်ချက်တခုဖြစ်တဲ့ လုပ်ဖော်ကိုင်ဖက် တွေ ရဲ့ ပူးပေါင်းပါဝင်ဆောင်ရွက်မှုရှိ / မရှိ၊ ဝန်ထမ်းတဦးချင်းစီရဲ့လုပ်ငန်းတာဝန်နဲ့ လုပ်ပိုင်ခွင့်မျှတမှု ရှိ / မရှိ ( တာဝန်တွေ အများကြီးပေးပြီး လုပ်ပိုင်ခွင့်မရရှိထားရင်လည်း စွမ်းဆောင်ရည်ပြဖို့ခက်ပါတယ်)၊ လိုအပ်တဲ့ အုပ်ချုပ်ထောက်ပံ့မှုတွေ အပြည့်အဝရရှိမှု ရှိ /  မရှိတို့အပေါ်မှာလည်း မူတည်နေသေးတာ ကြောင့်ပါပဲ။နောက်တခုက ဝန်ထမ်းတွေကို Performance Rating ကောင်း၊ မကောင်းဆုံးဖြတ်တဲ့ အ တွက်ကြောင့် ဝန်ထမ်းတွေက Performance Rating ကောင်းအောင်လုပ်ပြသွားပြီး Merit Pay ကိုယူ သွားတဲ့အခါ နောက်ဆုံးမှာ ကုမ္ပဏီကပဲဆုံးရှုံးသူဖြစ်သွားတတ်ပါတယ်။ ဥပမာ-ကုန်ပစ္စည်းအဝယ်ဌာနက ဝန်ထမ်းတွေကို Performance Rating လုပ်တဲ့အခါ ဈေးအသက်သာဆုံးကိုရှာဝယ်နိုင်တာကိုအမှတ် ပေး ခဲ့မယ် ဆိုရင် ဈေး သက်သာတဲ့နောက်ကို လိုက်ပြီး အရည်အသွေးမကောင်းတဲ့ပစ္စည်းတွေဝယ်လာတဲ့ အခါ ကုမ္ပဏီကပြန်ပြီး ထုတ်လုပ်လိုက်တဲ့ပစ္စည်းတွေရဲ့ အရည်အသွေးလဲကျဆင်းသွားတာမျိုးပေါ့။ အဲဒါ ကိုရှောင်ရှားနိုင်ဖို့ နည်းလမ်းတခုအနေနဲ့ကတော့ Merit Pay ပေးဖို့အတွက် အသင်းအဖွဲ့နဲ့ဆောင်ရွက် တတ်တာရယ်၊ ပူးပေါင်း ဆောင်ရွက်တတ်မှုတွေရယ်ကို အခြေခံပြီးဆုံးဖြတ်ဖို့ပါ။ အဲဒီလိုလုပ်နိုင်ဖို့ လုပ် ဖော်ကိုင်ဖက်တွေကို ပြန်ပြီး အမှတ်ပေးစေတာမျိုးလုပ်ရပါလိမ့်မယ်။

မင်းခေါင်( EMPA – 8 )

Comments are closed.

%d bloggers like this: